Türkmenistanda demir ýol pudagynyň maddy-enjamlaýyn binýadyny pugtalandyrmak we milli demir ýol ulgamynyň geçirijilik kuwwatyny ýokarlandyrmak boýunça işler alnyp barylýar.

Bu ugurda öňdebaryjy daşary ýurt kompaniýalary bilen hyzmatdaşlyga aýratyn ähmiýet berilýär. Meýilleşdirilen çäreleriň durmuşa geçirilmegi demir ýol gatnawlarynyň netijeliligini ýokarlandyrmaga, ýolagçy we ýük daşamalarynyň howpsuzlygyny mundan beýläk-de üpjün etmäge mümkinçilik berer.

Degişli teklip Ministrler Kabinetiniň wideokonferensiýa görnüşinde geçirilen mejlisinde hödürlendi. Teklip goldanyldy we ony durmuşa geçirmek boýunça işleri dowam etdirmek tabşyryldy.