Türkmenistan bilen Hytaý oba hojalygy pudagynda hyzmatdaşlygy ösdürmek boýunça gepleşikleri geçirdiler. Taraplar oba hojalygyny sanlylaşdyrmak we döwrebaplaşdyrmak, innowasion tehnologiýalary ornaşdyrmak, pagtaçylyk, tohumçylyk, çig maly gaýtadan işlemek, suw tygşytlamak we ekologiýa taýdan arassa tehnologiýalary ulanmak meselelerini ara alyp maslahatlaşdylar.

Hytaý kompaniýalary bilelikdäki maýa goýum we tehnologik taslamalary durmuşa geçirmäge, şeýle hem häzirki zaman oba hojalyk tehnikalaryny we enjamlaryny getirmäge uly gyzyklanma bildirdiler.

Gepleşikleriň netijesinde taraplar amaly hyzmatdaşlygy işjeňleşdirmek, hünärmenleriň arasynda tejribe alyşmagy giňeltmek we gazanylan ylalaşyklary durmuşa geçirmek barada ylalaşdylar. Şeýle hem oba hojalyk senagaty we tehniki hyzmat ulgamyndaky hyzmatdaşlygy täze derejä çykarmaga taýýardyklaryny tassykladylar.