2026-njy ýylyň 14-nji iýulynda Aşgabat şäherindäki «Arçabil» myhmanhanasynda Türkmenistanyň syýahatçylyk pudagynyň wekilleri üçin Tourism Malaysia tarapyndan ilkinji ýöriteleşdirilen seminar geçiriler. Çäre Malaýziýanyň Syýahatçylygy Ösdürmek Geňeşi (Tourism Malaysia) we Malaýziýanyň Türkmenistandaky Ilçihanasy tarapyndan bilelikde guralýar.



Seminaryň dowamynda gatnaşyjylara Malaýziýanyň syýahatçylyk mümkinçilikleri, häzirki syýahatçylyk önümleri, geljegi uly ugurlar, şeýle hem iki ýurduň arasynda howa gatnawyny ösdürmek boýunça täze mümkinçilikler tanyşdyrylar.

Mundan başga-da, Tourism Malaysia Merkezi Aziýa ýurtlary bilen syýahatçylyk hyzmatdaşlygyny ösdürmek strategiýasyny, şol sanda Türkmenistanyň syýahatçylyk kompaniýalary bilen hyzmatdaşlygy giňeltmek boýunça meýilnamalaryny hödürlär.



https://business.com.tm