29-njy sentýabrda Türkmenistanyň Prezidenti Serdar Berdimuhamedow Ahal teke atçylyk toplumynyň açylyş dabarasynyň çäklerinde Çalyk Holding kompaniýasynyň direktorlar geňeşiniň başlygy Ahmet Çalyk bilen duşuşdy.

Taraplar Türkmenistan bilen Türkiýäniň arasyndaky hyzmatdaşlygy ösdürmegiň meselelerini ara alyp maslahatlaşdylar. Çalyk Holding kompaniýasynyň Türkmenistanyň gurluşyk, energetika we dokma pudaklaryndaky taslamalary durmuşa geçirmäge goşandy bellenildi.

Ahmet Çalyk kompaniýanyň öz üstüne alan borçnamalaryny ýerine ýetirmegi we bilelikdäki taslamalara mundan beýläk-de gatnaşmagy dowam etdirjekdigini tassyklady.