2026-njy ýylyň 30-njy aprelinde «Ojar Aziýa» kompaniýasynyň edarasynda geçirilen iş duşuşygynyň guramaçylyk işleri «TMT Consulting Group» tarapyndan amala aşyryldy. Duşuşykda «Ojar Aziýa» kompaniýasynyň ýolbaşçylary hem-de Hytaý Halk Respublikasynyň öňdebaryjy döwlet gurluşyk kompaniýalarynyň biri bolan «China State Construction» kompaniýasynyň wekilleri gatnaşdy.

Duşuşygyň dowamynda «China State Construction» kompaniýasynyň halkara amallar we marketing departamentiniň baş direktorynyň orunbasary Ýuan Sýaoszýun hem-de «Ojar Aziýa» kompaniýasynyň ýolbaşçylary bilelikdäki taslamalary durmuşa geçirmegiň geljekki mümkinçiliklerini we hyzmatdaşlygy giňeltmegiň anyk ugurlaryny ara alyp maslahatlaşdylar. Taraplar öz kompaniýalarynyň iri möçberli taslamalary üstünlikli durmuşa geçirmek boýunça toplanan baý tejribesine aýratyn üns çekip, bu tejribäniň gurluşyk, şäherleri döwrebaplaşdyrmak, saglygy goraýyş, bilim, suw hojalygy hem-de daşky gurşawy goramak ýaly möhüm ugurlarda hyzmatdaşlygyň giň mümkinçilikleri bellenildi.

Duşuşygyň netijeleri boýunça gatnaşyjylar strategik hyzmatdaşlygy ösdürmäge özara gyzyklanma bardygyny tassykladylar hem-de ileri tutulýan ugurlar boýunça hyzmatdaşlygyň anyk ugurlaryny kesgitlediler.

TMT News