2026-njy ýylyň 11-nji fewralynda Berlinde C5+1 (Germaniýa we Merkezi Aziýa) formatynda ilkinji ministrler duşuşygy geçirildi. Duşuşyk sebitara hyzmatdaşlygy ösdürmek we Ýewropa bilen gatnaşyklary pugtalandyrmak maksady bilen wekiliýetler Belwýu köşgünde we Germaniýanyň Daşary işler ministrliginde myhman edildi.2026-njy ýylyň 11-nji fewralynda Berlinde C5+1 (Germaniýa we Merkezi Aziýa) formatynda ilkinji ministrler duşuşygy geçirildi. Duşuşyk sebitara hyzmatdaşlygy ösdürmek we Ýewropa bilen gatnaşyklary pugtalandyrmak maksady bilen wekiliýetler Belwýu köşgünde we Germaniýanyň Daşary işler ministrliginde myhman edildi.

Gepleşige Gazagystanyň, Gyrgyzystanyň, Täjigistanyň we Özbegistanyň daşary işler ministrleri, şeýle hem Türkmenistanyň daşary işler ministriniň orunbasary gatnaşdy. Ýewropa Bileleşiginiň Merkezi Aziýa boýunça ýörite wekili Eduards Stipraýsyň gatnaşmagy bu duşuşygyň “Team Europe” maksatnamasynyň çäklerinde geçirilendigini görkezdi.

Germaniýanyň Federal Prezidenti Frank-Walter Ştaýnmaýer Merkezi Aziýa ýurtlarynyň wekiliýetlerini şahsy kabul etdi. Duşuşykda energetika howpsuzlygy, möhüm çig mal üpjünçiligi, suw serişdelerini dolandyrmak meseleleri ara alnyp maslahatlaşyldy. Şeýle hem duşuşyk geljekki sammite taýýarlyk boldy.

Duşuşygyň netijesinde Berlin Jarnamasy kabul edilip, Merkezi Aziýanyň Germaniýa üçin “ileri tutulýan hyzmatdaş” hökmünde ornuny tassyklady. Resminamada Germaniýanyň Transhazar ulag geçelgesiniň utgaşdyryş platformasyna 2,7 million ýewro, gaýtadan dikeldilýän energetika we dekarbonizasiýa taslamalary üçin 250 million ýewro bölüp berendigi, ylym, innowasiýa we bilim ulgamlarynda hyzmatdaşlygy giňeltmek, PASCH mekdepler ulgamyny ösdürmek hem-de ÝHHG bilen serhet howpsuzlygy boýunça bilelikdäki taslamalaryň dowam etdiriljekdigi bellenildi.

Duşuşygyň çäklerinde geçirilen ykdysady forumda 30 sany nemes kompaniýasy, türkmen kärhanalaryna maýa goýumyny goýmak isleýändigini bildirdi, esasan, himiýa senagaty, oba hojalygy we hünärmen taýýarlamak ugurlarynda hyzmatdaşlyk teklipleri öňe sürüldi.

Çeşme:www.orient.tm