3-nji oktýabrda Aşgabat şäherinde Gonkongyň BAOHUI kompaniýasynyň wekilleri bilen Türkmenistanyň «Amatly Çözgüt» kompaniýasynyň arasynda iş duşuşygy geçirildi. Duşuşykda maglumat tehnologiýalary we sanly çözgütler ulgamynda hyzmatdaşlygy ösdürmegiň geljegi ara alnyp maslahatlaşyldy.

Duşuşygyň dowamynda taraplar häzirki zaman IT tehnologiýalaryny ornaşdyrmak, sanly infrastruktura ösdürmek we Türkmenistanyň bazarynda geljegi uly taslamalary durmuşa geçirmek bilen bagly hyzmatdaşlygyň ugurlaryna garadylar.

Tejribe alyşmak, tehnologik ekspertizany ösdürmek we uzak möhletleýin hyzmatdaşlygyň täze görnüşlerini gözlemek meselelerine aýratyn üns berildi. Taraplar hünär gatnaşyklaryny mundan beýläk-de ösdürmäge we anyk bilelikdäki başlangyçlara garamaga gyzyklanma bildirýändiklerini bellediler.

Halkara tehnologiýa kompaniýalary bilen türkmen işewürleriniň arasyndaky hyzmatdaşlyk öňdebaryjy çözgütleri ornaşdyrmak we döwrebap sanly gurşawy döretmek üçin täze mümkinçilikleri açýar.