OGT 2026 forumy 2026-njy ýylyň 21–23-nji oktýabrynda Aşgabatda geçiriler. Çärä gatnaşjakdygyny 75 ýurtdan 450 kompaniýa wekilçilik edýän 1700-den gowrak wekili tassyklady.

Forum döwlet edaralarynyň, halkara energetika kompaniýalarynyň, maýa goýujylaryň we tehnologik çözgütleri hödürleýän kompaniýalaryň wekillerini bir ýere jemlär. Çäräniň şygary — «Energiýa. Hyzmatdaşlyk. Ösüş.».

Işewürlik maksatnamasynyň esasy ugurlary «Galkynyş» gaz känini özleşdirmek, Türkmenistan — Owganystan — Pakistan — Hindistan (TOPH) gaz geçirijisiniň taslamasyny durmuşa geçirmek, Hazar sebitiniň maýa goýum mümkinçilikleri, tebigy gazy gaýtadan işlemek, sanly tehnologiýalary ornaşdyrmak we metan zyňyndylaryny azaltmak bilen bagly meseleleri öz içine alar.