Türkmenistanyň SPЕKA ýurtlary bilen söwda dolanyşygy $2,2 mlrd-dan geçdi

2025-nji ýylda Türkmenistanyň BMG-niň Merkezi Aziýa ýurtlarynyň ykdysadyýetleri boýunça Ýörite maksatnamasyna (SPЕKA) gatnaşyjy döwletler bilen söwda dolanyşygy $2,2 milliarddan geçip, 2024-nji ýyl bilen deňeşdirilende 15 göterim artdy. Bu barada Aşgabatda geçirilen SPЕKA-nyň Ykdysady forumynda Türkmenistanyň maliýe we ykdysadyýet ministriniň orunbasary Babanýaz Ýalakow mälim etdi. Sebit ýurtlarynyň ýurduň daşary söwda dolanyşygyndaky paýy 9,6 göterimden 11 göterime çenli ýokarlandy.

Bu ösüş 2024–2025-nji ýyllar üçin SPЕKA-nyň iş meýilnamasynyň çäginde özara bähbitli ulag ugurlaryny ösdürmek we söwda päsgelçiliklerini azaltmak boýunça alnyp barlan çäreleriň netijesinde gazanyldy. Ministrligiň bellemegine görä, bu oňyn ösüş sebit boýunça söwda gatnaşyklaryny giňeltmek we ulag baglanyşygyny has-da berkitmek üçin berk esas döredýär.

Source: www.turkmenportal.com