Türkmenistan we Germaniýa hususy pudakda hyzmatdaşlygyny çuňlaşdyrmkçy

Türkmenistan we Germaniýa iki ýurduň hususy sektorynyň arasyndaky hyzmatdaşlygy giňeltmek meselelerini ara alyp maslahatlaşdylar. Bu baradaky gepleşikler Frankfurt-am-Mayne şäherindäki Türkmen konsuly Murad Özbekbaýew bilen Germaniýa-Türkmen forumynyň başlygy, Germaniýanyň Kiçi we Orta Telekeçileriň Federal Bileleşiginiň (BVMW) baş dolandyryjysy Andreas Ýan arasynda geçirildi. Taraplar ykdysady diplomatiýanyň we telekeçiler arasyndaky göni gatnaşykların uzak möhletleýin hyzmatdaşlygy ösdürmekde ähmiýetini aýratyn nygtadylar.

Germaniýaly işewürler halkara çäkli maýa goýum forumy IFT 2026 «Türkmenistanyň Geljegine Maýa Goýmak» hem-de Türkmenistanda Senagatçylar we Telekeçiler Birliginiň 18 ýyllygyna bagyşlanan sergä gatnaşmak üçin çagyrldy.

IFT 2026-nyň hyzmatdaşlaryndan biri TMT Consulting Group bolup, olar öňki gezek Frankfurt-am-Mayne şäheriniň işewürlik merkezinde 30–31 oktýabrda geçirilen «Türkmenistanyň Ykdysadyýet Günleri» forumynyň hem hyzmatdaşlygynda çykyş edipdiler. Bu hyzmatdaşlyk iki ýurduň arasyndaky işewürlik baglanyşyklaryny berkitmek we maýa goýumlary çekmek üçin täze mümkinçilikleri açýar.

Çeşme: www.orient.tm