Türkmenistanyň Döwlet haryt-çig mal biržasynda çarşenbe güni 41 şertnama baglaşyldy
14.08.25
Türkmenistanyň Döwlet haryt-çig mal biržasynda (TDHÇMB) çarşenbe güni geçirilen söwdalarda jemi 41 şertnama baglaşyldy. Bu barada TDHÇMB habar berýär.
Daşary ýurtly işewürleriň hatarynda Owganystanyň wekilleri 522 müň 150 ABŞ dollary möçberinde suwuklandyrylan gaz satyn aldylar.
Ýurduň içerki bazarynda bolsa SN-350 kysymly başlangyç ýagy, ýol gurluşygy üçin niýetlenen nebit bitumy, çig mata, pagta ýüplügi we el bilen dokalan halylar ýerlenip, umumy bahasy 86 million 381 müň 859 manada deň boldy.
1994-nji ýylda döredilen TDHÇMB Türkmenistanyň eksport-import amallaryny düzgünleşdirýän baş guramalaryň biridir.
Maglumat çeşmesi: Business Turkmenistan
