Turkish Airlines awiakompaniýasy Aşgabat — Stambul ugry boýunça gatnawlaryň ýygylygyny artdyrýar
30.03.26
Turkish Airlines awiakompaniýasy Aşgabat — Stambul — Aşgabat ugry boýunça uçuş maksatnamasynyň ep-esli giňeldilýändigini mälim etdi.
2026-njy ýylyň 29-njy martyndan 25-nji oktýabry aralygynda gatnawlaryň ýygylygy hepdede 17 gezege çenli artdyrylar. Maksatnamanyň giňeldilmegi Türkmenistan bilen Türkiýäniň arasyndaky howa gatnawlaryna bolan islegiň artmagy bilen baglanyşyklydyr.
Kompaniýanyň bellemegine görä, uçuşlaryň ýygylygynyň artdyrylmagy işewürlik, syýahatçylyk we medeni gatnaşyklary has-da berkitmäge, şeýle hem ýolagçylara Stambul arkaly dünýäniň giň ugur toruna çykalgany giňeltmäge mümkinçilik berer.
