Parahatçylyk, Ynanyşmak we Bitaraplyk: Halkara derejesindäki özara düşünişmäge gönükdirilen ýol

Aşgabat şäherindäki «Mekan» köşgünde «Halkara parahatçylyk we Ynanyşmak ýyly: Bitarap Türkmenistanyň ynamly ädimleri» atly dabaraly çäre geçirildi. Oňa Hökümet agzalary, diplomatik gullugyň wekilleri, halkara guramalaryň, daşary ýurtlaryň ilçihanalarynyň işgärleri, dürli ulgamlaryň wekilleri hem-de ýaşlar gatnaşdylar. Çäräniň maksatnamasy medeniýet we sungat ussatlarynyň çykyşlaryny, şeýle-de ýurdumyzyň ynsanperwer we döredijilik mümkinçiliklerini açyp görkezýän giň möçberli mowzuklaýyn sergini öz içine aldy.

Çykyşlarda Türkmenistanyň hemişelik Bitaraplygynyň halkara derejesindäki ähmiýeti, parahatçylygy we ynamy pugtalandyrmaga goşýan goşandy, şeýle-de öňdebaryjy halkara guramalar we döwletler bilen durnukly hyzmatdaşlygyň ösdürilmegi aýratyn nygtaldy. Şeýle-de Türkmenistanyň Prezidentiniň durnuklylygy we ösüşi üpjün etmäge gönükdirilen yzygiderli içerki we daşary syýasatyna aýratyn üns berildi. Çäräniň jemleri boýunça gatnaşyjylaryň adyndan döwlet Baştutanyna ýüzlenme kabul edildi.

Çeşme: www.tdh.gov.tm