«Koreýa Respublikasy – Merkezi Aziýa» ilkinji sammiti geçiriler
16.02.26
Koreýa Respublikasy bilen Merkezi Aziýa döwletleriniň arasynda ilkinji ýokary derejeli sammit 2026-njy ýylyň 16–17-nji sentýabrynda geçiriler. Sammitiň geçiriljek seneleri barada Koreýa Respublikasynyň daşary işler ministri Ço Hýun, Seul şäherinde geçirilen taýýarlyk maslahatynyň dowamynda habar berdi.
Daşary işler ministriniň bellemegine görä, bu sammit Koreýa Respublikasy bilen Merkezi Aziýa döwletleriniň arasynda hyzmatdaşlygy giňeltmekde möhüm ädim bolar.
Şeýle hem täze hyzmatdaşlyk formaty ikitaraplaýyn we köptaraplaýyn gatnaşyklary çuňlaşdyrmaga, üpjünçilik ulgamlaryny kämilleşdirmäge hem-de sebitde ýaşaýan koreý milletdeşlerine goldaw bermek ulgamynda hyzmatdaşlygyň esaslaryny berkitmäge mümkinçilik döreder.
Çeşme: www.business.com.tm
