Aşgabat Jarnamasy: Bitaraplyk – XXI asyryň parahatçylyk strategiýasy

Aşgabatda geçirilen Parahatçylyk we Ynanyşmak ýylyna we Türkmenistanyň şanly Bitaraplygynyň 30 ýyllygyna bagyşlanan Halkara forumynyň gatnaşyjylary bitaraplygy, dialogy we ynamy ählumumy howpsuzlygyň netijeli gurallary hökmünde berkidýän syýasy resminama – Aşgabat Jarnamasyny kabul etdiler. Halkara forumy döwletleri we halkara guramalary Birleşen Milletler Guramasynyň howandarlygynda öňüni alyş diplomatiýa, köptaraplaýyn hyzmatdaşlyk we özara hormat esasynda durnukly parahatçylygyň üpjün edilmeginiň zerurdygy baradaky umumy düşünje esasynda jemlenildi.

Jarnama bitaraplygyň işjeň, jogapkärli we amaly nusgasynyň öňe sürüjisi hökmünde Türkmenistanyň aýratyn ornuny tassyklaýar. Forumyň gatnaşyjylary parahatçylygy gurmak işine ýaşlaryň we zenanlaryň gatnaşygyny giňeltmegi, araçylyk we ynsanperwer mehanizmleri ösdürmegi, şeýle hem bitaraplyga esaslanýan Ählumumy howpsuzlyk konsepsiýasyndan başlap, Halkara ynamyň ählumumy kodeksini döretmek mümkinçiligine çenli täze başlangyçlary goldadylar. Esasy pikir aýdyňdyr: barha durnuksyzlaşýan dünýäde ynam we dialog ýaşamagyň täze strategiýasyna öwrülýär.

Çeşme: www.tdh.gov.tm